Shi taiew aipor ka WJSU ban maramot iaka jingkieng Lakroh

Syllad | The Rising MeghalayaApril 24, 2024

Ka War Jaintia Students Union (WJSU) haka 24 tarik Iaiong kala leit ban ujor halor ka jinglip bording ba khah khah bad jingjot rathai ka jingkieng iaid kali ha Lakroh kaba pyniasoh iaka shnong Muktapur Borkhat kaba don haka thain khappud Bangladesh.

Halor kine ki artylli ki jingeh ka WJSU kala ujor ha u Executive Engineer ka tnad MePDCL, Jowai bad tnad PWD (R), Jowai South Division, Jowai bala ialam da u Publicity Secretary Eversest Langstang ryngkat ki katto kattne ngut ki dkhot nongkitkam.

Ka WJSU haka jingujor kala ong, ba ka jinglip bording haka thaiñ War Jaintia da ki bun bun kynta tang shu wan u slap. Ka WJSU kala kyntu iaka tnad ban pynbiang bording ban myntoi u paidbah

Ha kaba iadei bad ka jingkieng ka WJSU kala aipor shi taiew iaka tnad PWD (Rds), Jowai South Division, Jowai ban maramot mar mar ia katei ka jingkieng naduh ka tarik ba ki iohpdiang iaka jingujor lym namar ba kim lah ban iaid ban peit iaka jinglehbymsuidniew ka PWD iaka jingshngain u paidbah ba iaid ba ieng.