Shimbynta da ki spah ngut ki samla pule haka career guidance ka KSU War Jaintia
Da ki spah ngut ki samla pule jong ka thaiñ war Jaiñtia kila wan shimbynta ha ka Career Guidance Counselling kaba la pynlong da ka KSU-War Jaiñtia Circle ha Amlarem haka 4 tarik Jymmang.
Ha kane ka sngi ki riewshemphang kiba iadonlang bad ai jinghikai ki kynthup iaki nonghikai u Dr. Chanlemki Lanong, Dr. Kermi U Tariang, u Ma Sashi Teibor Laloo, Kong Badapbiang Dkhar Tariang bad u Bah Batkupar Nongkhlaw.
![](https://www.syllad.com/wp-content/uploads/2024/09/JIT-Vacancy-823x1024.avif)
Ha kane ka Career Guidance Counseling la ai jingpynshai ia ki samla pule haka ban jied ia ki lain pule haka Arts, Science & Commerce streams bad baroh ki scopes kiba don hapoh kitei ki lain pule.
Nalor, kitei la la ai jingpynshai ruh haba iadei bad ki Competitive Exams kum ka UPSC, MPSC, SSC bad kiwei kiwei.
U Ma Lop Khonglah, President ka KSU War Jaiñtia Cicle, ula ong ba na kaliang ka KSU ka ai khublei ia baroh kiba la shimbynta sha kane ka program khamtam ia ki kmie ki kpa Jong ki khynnah pule bad baroh kito kiba la ai jingkyrshan ia ka seng ban pynlong ia katei ka prokram ka ba jop.
Ka KSU ka kitbok kitrwiang ia baroh ki khynnah pule ka bri u hynñiew trep ba ap result matric bad class 12 jong ban kin ioh kheit ia u soh jong ka jingtrei shitom bad minot khop ka jong ki.
![](https://www.syllad.com/wp-content/uploads/2024/05/career-guidance-1.jpg)
![](https://www.syllad.com/wp-content/uploads/2024/05/Career-guidance-2.jpg)
![](https://www.syllad.com/wp-content/uploads/2024/05/career-guidance-4.jpg)
![](https://www.syllad.com/wp-content/uploads/2024/05/career-guidance-5.jpg)
![](https://www.syllad.com/wp-content/uploads/2024/05/career-guidance-6.jpg)
![](https://www.syllad.com/wp-content/uploads/2024/05/career-guidance.jpg)
Leave a Reply