Shimbynta ka JNC haka International Day of Clean Air ha Mutong

Syllad | The Rising MeghalayaSeptember 7, 2023

Shi bynta ka jingrakhe iaka sngi International Day of Clean Air haka pyrthei baroh kawei, ka Jaiñtia National Council (JNC) mynta ka sngi kala ioh ban iashim bynta lang ha kane ka jingrakhe ia kane ka sngi ba kyrpang ha kaba mat jong ka jingrakhe mynta u snem ka long; “Together with clean air.”

Ka JNC hapoh ka jingialam u Chairman ka Environment Committee u Nini W Sungoh ryngkat ka JNC San Shnong Circle kila pynlong da ka program ban thung ia ki tynrai dieng ha ka shnong Mutong, hajan ka Moopun falls, East Jaintia Hills District, da ki dkhot jong ka JNC.

La maitphang ia ka ne ka jingthung dieng da u Secretary ka Committee Synjoy Bareh katkum da kaba pynshong nongrim katkum katei ka mat.

Ha kane ka sngi la ia don ryngkat ruh bad u Waheh Shnong ka Mutong u Marshi Dkhar bad la ioh ka jingkren lyngkot na u Chairman, Secretary bad u President ka JNC San Shnong u bah Keling Phawa.

Na ka liang u Chairman ka Environment committee u Nini W Sungoh ha ka jingkaren ula ong ba ka jingthung ia ki tynrai dieng ha kine ki sngi ka long kaba donkam eh khamtam ban iada bad ban pynneh pynsah ia ka mei mariang na ka bynta ka bha ka miat ki shnong  ki thaw, bad u la kyntu ruh ia kiwei ban kin iasnohkti lang namar shibun ki dieng ki siej kila jan jah na kane ka thaiñ.

Kumjuh na ka liang u President ka San Shnong u bah Keling Phawa ula ong ba ka jingbun ki coke factory bad ki cement plant ka wanrah jingeh kaba jur khamtam ka lyer ba sniew bad kumta dei ban shimkhia bad ban thung da ki dieng khnang ban lah ban wanrah biang ia ka lyer kaba khuid bad suba.