Shimbynta ka WJH haka Hamara Sankalp Viksit Bharat

Syllad | The Rising MeghalayaNovember 16, 2023

Ka ophis jong u Deputy Commissioner West Jaintia Hills District ryngkat ka jingiatreilang ka Ministry of Tribal Affairs haka 16 tarik Naiwieng kala pynlong Hamara Sankalp Viksit Bharat ha Thadlaskein C&RD Block, West Jaintia Hills.

Kane ka Hamara Sankalp Viksit Bharat ka dei ka prokram jong ka sorkar pdeng ban pynpoi ia ki kam pynroi sha ki jaka bym pat poi bad ka jingpynpoi ia ki skhim Sorkar.                    

Iaka jingialang pynsngewthuh paidbah la pynlong ha ATS Kyortyrkhang, Khliehtyrshi West Jaintia Hills District ha kaba ki ophisar napoh ka Block office, KVK, Agriculture, Branch Manager SBI, Jowai, ki nongmihkhmat LPG gas agency ki la ai ka jingbatai pynshai sha ki nongwan iashim bynta halor kiba bun ki skhim sorkar kynthup naduh ka PMAY, PMJAY, NRML, Atal Pension Yojna, PM Jan Dhan Yojana, Nano fertilizers bad kiwei kiwei ki jait skhim ki ban pynmyntoi iaki paidbah nongshong Shnong.

Kum kane kajuh ka jingialang la pynlong ruh ha Moopyllaitsyiar, Khliehtryshi.

Ha kane ka sngi la shim ruh iaka jingkular Viksit Pledge da ki nongwan iashim bynta haka jingialam u Bah B. Langbang, BDO ka Thadlaskein Block.

U Bah B Langbang ula pyntip ba ka Viksit Bharat Sankalp kadei kaba pyntreikam da ka sorkar pdeng ban ban kynjoh sha baroh ki paidbah lyngba ka kali IEC (Information, Education and Communication) Van.

Ka IEC Van kan leit sha ki 49 tylli ki Shnong hapoh ka Thadlaskein Block ban pynsaphriang shaphang ki skhim sorkar.

Nalor ka jingialang pynsngewthuh paidbah, ka tnad ka koit ka khiah jong ka District ka la pynlong iaka jingsumar ei kynthup naduh ka jingthew BP, peit bniah iaka jingpang TB bad ka jingleh Smart Card.

Ki nongioh myntoi na ki skhim sorkar la ailad iaki ba kin pynsngew iaki jingshem jong ki bad ka la don ruh ka jingialehkai skit halor kumno ban iada iaka mariang ba la shim bynta da ka Village Organisation jong ka Shnong.