Shimbynta ki khynnah skul haka Janbhagidari ha Jowai

Syllad | The Rising MeghalayaJune 14, 2023

Ka Ophis treikam jong ka District Mission Coordinator, SSA-SEMAM, West Jaintia Hills haka sngi ba Ar kala pynlong biang sa ia kawei ka prokram ha ka jingiadei bad ka Janbhagidari Events and Activities kiba kynthup ia ka Bicycle Rally, ka Story Telling bad ka Exhibition on Teaching Learning Material.

Ia kane ka Bicycle Rally la sdang na Compound ka Kiang Nangbah Govt. College bad pynkut pat ha Madan Chilliangraij bad ha kane ka prokram lawan ban iashimbynta da ki khynnah skul ryngkat ka jingiadonlang ki dkhot ka West Jaintia Hills District Bicycle Association.

Ka M Lakiang, DMC-SSA, West Jaintia Hills halor ka thong jong ka Janbhagidari Events and Activities. Shwa ban sdang ka jingiaid paidbah da ki cycle ka la lamkhmat ruh ban pule ia ka NIPUN Bharat Pledge.

Shuh shuh ha kane ka sngi ladon ruh ka Story Telling ne ka jingiathuhkhana ia ki heprit ba pule ha ki Pre-Primary ia kaba lawan ban sam da ka Sam-i-naki Passah bad ruh ka Exhibition on Teaching Learning Material ba la shimbynta da ka H.K.Signh Memorial School, Jowai, St. Michael English School, Loompyrdi Iongpiah UPS SSA, Jowai RMSA School, Khimusniang Upper Primary School, Chutwakhu UPS SSA, Kurimai Memorial UPS SSA, Police Public School  bad ki Model ne ki jingshna ba la wanrah da ki skul ki long beit kyrpang ha kaba iadei bad ka Mariang kat kum ba la pruid dak hapoh ka G-20 Agenda.

Ia kane ka prokram lawan ba sakhilang ruh da u S Blah, Sr. Lecturer DIET, Thadlaskein kum u kongsan ryngkat ka jingiadonlang ka AP Syiem, DSEO-West Jaintia Hills, ki Jt. DMC-SSA West Jaintia Hills bad ki Block Mission Coordinator, SSA ba kynthup ia Ka Amlarem, Laskein bad Thadlaskein Block.

Khatduh la pynkut ia kane ka prokram da ka jingsam ia ki khusnam sha ki skul ba jop ha ka Exhibition On Teaching Learning Material kiba kynthup ia ka H.K.Signh Memorial School, Jowai, St. Michael English School bad ka Loompyrdi Iongpiah UPS SSA.