Shimbynta ki khynnah skul haka jingthung dieng ha Mukhap

Syllad | The Rising MeghalayaJune 6, 2023

Ki khynnah skul kiba don haka shnong Mukhap kila shimbynta shongshit haka prokram thung dieng haka sngi Nyngkong kum shibynta ban rakhe iaka World Environment Day (WED).

Nalor jingthung iaki tynrai dieng ha phyllaw jong ka skul, kila bet ruh iaki symbai dieng pyllon ne ki seed ball kiba la ai da ka sorkar sha ki jaka ba syllen bym don dieng siej kiba don hapoh u pud u ang ka shnong da kaba iatreilang bad ka Dorbar Shnong Mukhap.

Ha kane ka prorkam kaba la pynlong ha Seinraij SSA Lower Primary School la wan iashimbynta da ki khynnah skul ka David Edward UPS Mukhap, Mukhap UPS-Secondary bad ka Lumlihoi UPS SSA.

U kongsan ba iadonlang u dei u MLA Mowkaiaw u ma Nujorki Sungoh bad u ma T War, District Soil and Water Conservation Officer (T) Division Jowai nalor ki nongialam shnong ka Mukhap kiba kynthup ia u ma R Lapasam, Waheh shnong Mukhap, u S ma Lamare (Chairman Watershed Committee Wahiongnoh Mynsar).

U Nujorki Sungoh haka jingkren ula kyntu iaki nongshong shnong ban long ki briew kiba tip ban kheinkor iaki jingkyrkhu ka mei mariang bad ka jingthung iaki dieng ki siej, ka jingiada iaki um ki wah kadei ka kamram ba hakhmat jong u ne ka nongshnong shnong.

Hadien ka jingialang la sam khusnam sha ki khynnah kiba jop haka jingiakop Drawing Painting Competition.