Shimbynta shitrhem ki paid riewngeit Katholik haka Ïukharist ha Umkiang
JOWAI: Ka Ïukharist ba Khatlai kaba ju pynlong manla u snem da ka Jylla niam Jowai kala long ha Holy Cross Parish Umkiang haka sngi U Blei.
La wan ïashimbynta shitrhem da ki 17 tylli ki Parish kiba don hapoh ka Jyllaniam Jowai.
La sdang iaka Ïukharist Procession da ka Mass Bakhuid kaba pyndep u Lyngdohsad Most (Bishop) Rev. Victor Lyngdoh ula kren shaphang ka jingïatylli bad jinglong kawei ha u Trai Jisu. 
Haba sam ïaka khubor u Blei u la sot na ka Kitab U Nehemia; ba kumno ki paid Israel hadien ba ki la wan phai sha la ka Ri, ki iam kthang ïaki jingduna jingbakla na ba ki la lyndet ïa bun bah ki jinghikai na ka Ktien U Blei bad hadien ka jingkular ban kylla ka bamut bad da ka jingiatylli ki la ïoh shibun ki jingkyrkhu.
U Bishop ula khot la wer ïaki parabangeit ban ïatylli, ban kiar na kiei kiei ki bym phoida kiba pynjot pynpra ïaka Balang.
Ha kane ka sngi haduh 72 ngut ki khynnah kila ïoh pdiang ia ka Communion ba nyngkong bad 66 ngut ki Samla kiba la ïoh ia ka jingpynskhem.
Hadien ka jingkñia Mass, da ki hajar ngut ki paid riewngeit ka Balang Katholik kila ïashim bynta shitrhem ha ka jingiaid procession ha surok bah.
Facebook
Instagram
Youtube
Twitter
Leave a Reply