Shimkhia ka MBS&G ban pynsngewthuh iaki lad iada COVID-19 ha ki iew ki hat ha Jowai
Ki dkhot ka Meghalaya Bharat Scouts & Guides (MBS&G), West Jaintia Hills District haka jingialam u ma Ohiwot Laloo, District Secretary bad u Elvis Dkhar, District Organiser Scout ha ka 25 tarik ki la pynlong da ka jingsam ia ki Mask bad pynsngewthuh ia ki nongshong iew ha Iawmusiang, Jowai shaphang ki lad iada na u khniang jingpang Covid-19.
Ka Meghalaya Bharat Scouts & Guides, West Jaintia Hills naduh ba sdang wan lynsher ka khlam kala iasnohktilang bad ka sorkar bad pynlong iaki prokram bapher ha kylleng ki shnong ka West Jaintia Hills District ban pynsngewthuh iaki lad jingiada naka jingpang khlam COVID-19.
![](https://www.syllad.com/wp-content/uploads/2024/09/JIT-Vacancy-823x1024.avif)
![](https://www.syllad.com/wp-content/uploads/2021/06/Scouts-1-1.jpg)
U Ohiwot Laloo, District Secretary MBS&G, West Jaintia Hills haba iakren u la iathuh ba ka jingbteng biang ia kum kine ki prokram ka long kaba donkam khnang ba ki briew ne ki nongshongiew shonghat kin long ki adkar bad shimkhia ban bud ia ki hokum adong ka Sorkar kiba long shibynta ka lad iada na ka jigpur jong u khniang jingpang Covid-19.
![](https://www.syllad.com/wp-content/uploads/2021/06/BSG.jpg)
Leave a Reply