Shimkhia ka synjuk ki nongdie jhur ban buh iaka jaka kit ha Wahiajer

Syllad | The Rising MeghalayaAugust 20, 2020

Ka Jaintia Ginger and Green Vegetable Association kala shimkhia ban buh ia ka jaka kit iaki mar rep ba kynthup ia u sying, sohsaw bad kiwei kiwei ki mar rep ha madan iadaw ha ka shnong Wahiajer, West Jaintia Hills District.

Ia kane ka jaka kit mar rep la buh kyrpang ha madan iadaw na ka bynta ban lait na ka jinglum paidbah bad ban bud iaki kyndon ka khlam COVID-19.

U President bad Secretary ba kynthup ia u Edresly Pale bad u Pyndaplang Dkhar kila pynpaw ba ia kane ka jaka lumthup iaki mar rep la buh katkum ka jingbthah u DC West Jaintia Hills bad la kyntu ia baroh ki nongrep bad nongshalan ban pynpoi iaki mar rep bad ki kali ha katei ka jaka kaba la pynbeit ban kit iaki mar bad pynpoi sha ka jaka kaba la thmu.