Shimti u Rikman Momin kum u president bathymmai ka BJP Meghalaya

Syllad | The Rising MeghalayaSeptember 25, 2023

U dkhot ka national council ka Bharatiya Janata Party (BJP) uba dei ruh u nongialam ba la rim ka party napoh Garo Hills, u Rikman Momin mynta ka sngi Nyngkong u la shah jied kum u president bathymmai jong ka party ha ka jylla.

Ia kane la pyntip da u National General Secretary jong ka party uba dei ruh u incharge jong ka headquarter u Arun Singh.

“Na ka liang u National president ka seng BJP u Jagat Prakash Nadda u la thung ia u Rikman Momin kum u state president jong ka seng BJP ha Meghalaya.Kane ka jingjied ia une u nongialam bathymmai ka la treikam mardor,” ong u Singh haba pynbna ia kane ka jingshah jied ka jong u ha Shillong.

U Momin u la mih bujli ha ka jaka jong u president barim jong ka seng BJP ha Meghalaya u Bah Ernest Mawrie.