Shitaiew pynjari Total Curfew ha West Jaintia Hills

Syllad | The Rising MeghalayaMay 20, 2021

Hadien bala kiew ka jingiabit khlam COVID-19 kaba la kot haduh 14 percent ka positivity rate naduh u Jymmang (May) 1 tarik haduh Jymmang 17 ha West Jaintia HIlls District bad ki hospital ruh kila jan dap, u District Magistrate, West Jaintia Hills District Garod LSN Dykes ula pynjari da ka Total Curfew naduh 6 Pm haka 21 tarik Jymmang haduh 5 Am 1 tarik u bnai Jylliew (June) haka district baroh kawei.

Ïa kane ka hukum la pynjari katkum ka bor kaba la pynkup ha u district magistor katkum ka kyndon aiñ jong ka section 144CrPC bad ka Meghalaya Epidemic Diseases, COVID-19 Regulations 2020.

Da ka jingpyntreikam iaka Total Curfew la pyrkhing iaka jingiaid jingieng Inter-State ki briew bad kane kan ym treikam ia ki kali kiba iaid sha kiwei ki jylla kum ka Assam/Tripura/Manipur/ Mizoram. Baroh kine ki kali ba iaid sha kiwei ki jylla la khang pyrshah ba kin ieng kali ha shilynter ka surok bah NH 6 hapoh u pud u sam ka distirct.

La khang ruh ban iaid na kawei ka district sha kawei pat. Ym shah ia uno uno ban mih khlem ki daw ba biang. ki kali kiba iaid khlem pass kin shah pynshitom da kaba tyngeh kaba lah ruh ban shah pynshitom da kaba shah kem.

Kiba kam ba pyllait na ka curfew:

Ki nongtrei ka tnad ka koit ka khiah bad ki paidbah ba ai tika COVID-19 kiba hap ban pynshisha iaka COWIN registration bad ka por ba ki dei ban ai injek.

Ki dukan dawai ne pharmacy
Ka jingkit iaki mar mata ba donkam
Ki kam ba kyrkieh ban shah sumar.
Ki briew kiba trei ha ki tnad sorkar ba hap haka Essential Government Duty:
a. Medical Teams and Officials on COVID 19 Duty.
b. Police, Security and Armed Forces.
c. Civil Defence and Home Guards.
d. Fire and Emergency Services.
e. Electricity.
f. Water Supply (PHE).
g. Municipal Services.
h. Public Distribution System
i. Information and Public Relations
j. Telecommunication Services.
k. Agricultural activities.
l. Veterinary services kaba kynthup iaka jingkit iaki mar marbam ki jingri jong ki nongrep
m. Ka jingiaid jingieng ki briew bad mar kiba trei na ka bynta ka Oxygen Plant in MCH Jowai

Print & Electronic Media.

NARI/1917iTEAMS

Petrol Pump.

LPG distributors.

Fair Price Shops

State/Central Government Offices

Banks and Post Office kiba hap ban trei tang kumba 30% ka nongtrei.

Ki dukan kiba die iaki mar bam hala ki kyntoit bapher bapher. La pynshlur iaka Home delivery.

Ka jingleit ontep briew kaba la pyrkhing ban shah tang 10 ngut da ka jingpyntip sha u Deputy Commissioner West Jaintia Hills District, Jowai Sub-Divisonal Officer (Civil) Sub-Division.

Ki kam ka MGNREGA , Agriculture, Veternary.

Baroh ki pass kiba ym dei bad ki kam bala pyllait na ka curfew la pyndam lut.

Na ka bynta ka Medical Emergency bad Inter-District Transportation of Essential Good la kyntu iaki nongshnong shnong bann aplai EPASS” naka District portal westjaintiahills.gov.in