Shitom kali kamai ka Saipung, kyntu ka JYF ban phah bos MTC
JOWAI: Ka Jaiñtia Youth Federation Saipung Circle (JYF-SC) hapoh ka jingïalam u President u Oswald B Nampui kila ïakynduh ïa u Bah S War Tynghah, Assistant Depot Manager, Meghalaya Transport Corporation (MTC), Jowai Depot haka 30 tarik Nailur ban ïakren halor ka jingshitom kali ki nongshong shnong ka thain Saipung.
U Oswald B Nampui, ula ïathuh ba mynta ka surok kala kham bha bad kam dei shuh kum haki por mynshuwa bad u la kyrpad ïa u ban shimkhia ban phah bos sha katei ka shnong namar ba ka duna kali bad shitom ki paidbah ban leit ban wan khamtam ki khynnahj skul.
![](https://www.syllad.com/wp-content/uploads/2024/09/JIT-Vacancy-823x1024.avif)
U Nampui, ula ong ba haka por ba dang kamai ka bos MTC sha katei ka thain kala ïarap bha ïaki nongshong shnong haka leit ka wan, hynrei mynta la 2 snem eiei kila ïakynduh jingeh bha haka leit ka wan namar ba duna kali kamai sha katei ka thain.
Une u nongïalam ka JYF ula ong ba nakaliang u manager uba dei peit ïaka MTC Jowai Depot ula ong ba kin sa wan jurip ïaka surok bad ula kular ba shimkhia ban phah bos biang sha katei ka shnong.
Leave a Reply