Shmti noh u Bah Khlainpyrkhat Syiemlieh kum u coach ka Langsning FC

Syllad | The Rising MeghalayaJuly 23, 2023

Ka Langsning Fotball Club (LFC) kaba dei kawei na ki klob ialehkai phutbol ba pawnam jong ka jylla, haka sngi Saitjain kala wan shakhmat ban pyntip ba u Bah Khlainpyrkhat Syiemlieh (AFC ‘A’ Licence) un shimti noh kum u coach uba pura jong ka klob.

Kumban shu pynkynmmaw ba baroh shi katta u coach jong kane ka klob dei u bah Hering Shanpliang ha kaba u la lah ban bat ia kane ka kam haduh ka khyllipmat kaba khatduh ba ka Langsning FC kala iakhun ia ka lympung ialehkai jong ka Meghalaya State League.

Ia kane ka jingshimti noh u Bah Khlain ha ka jaka u bah Hering kum u coach, la pynbna ha ka jingiakynduh bad kilad pathai khubor, ha kaba la don lang u Secretary ka  klob u bah Freddy Kharpran, bad ha ka juh ka por la pynbna ba u Sailon Syngkrem un long kum u assistant coach jong ka klob.

Mynta u snem, ka Langsning nalor ka jingiakhun haka lympung ialehkai ka Shillong Premier League ne SPL ka Shillong Sports Association, ka Langsning FC ka phai khmat wat ba kan khreh ba kan aireng ha ka lympung ialehkai jong ka Second Division I. League, ka thong kum shi bynta ba kan ioh ba kan rung wat shaduh jong ka I. league.

Kum u coach u Bah Khlain u dei uba la don teng bad ka Langsning FC ha u snem 2008 ha kaba u la long kum u assistant coach jong ka klob kaba la coach ia ka ha kine ki por da u L. Darlong.

Na ka liang u Bah Khlain ba dei ruh u rang ialehkai barim jong ka Langsning FC, u pynpaw ia ka jingkmen ba ki bor pyniaid ba ki la ibit ban bynshet ha u ia kaneka kam, ha kaba u la buh ia u ia ka thong bad katta hi ka long ban pyrshang ban ialehkai bha ha ka SPL mynta ka samoi.