Shong pyrkhat kam ki nongialam ka BJP ban pynkhreh ia ka election MP

Syllad | The Rising MeghalayaDecember 24, 2023

U President ka Seng Bharatiya Janata Party (BJP) Meghalaya Pradesh, u Rikman G Monin u la pynkup burom ia u Myntri Rangbahduh ka ri u Narendra Modi ha kaba sdang jong ka jingialang pyrkhat kam hapdeng ki nongialam ka BJP napoh Central bad ki nongialam na jylla kaba la long hapoh Central Office ka BJP ha New Delhi ha ka 22 bad 23 tarik mynta u bnai.

Kane ka jingialang pyrkhat kam kaba ar sngi kynthih ka long shibynta kum ka jingpynkhreh na ka bynta ka MP Lok Sabha election ka ban long ha u snem u ban wan.

Na ka liang ka BJP Meghalaya ruh ka la rah bad pynpaw ia la ki jong ki mat kiba iadei bad ki paidbah nongshong shnong ka jylla.