Shong syier ki shnong sha rum ka wah Myntdu, shlei ka umsaw smam

Syllad | The Rising MeghalayaJune 16, 2022

Ki shnong kiba don sharum ka Wah Myntdu kiba kynthup iaka shnong Kharkhana, Pasadwar bad ka Borghat kila hap ban im hapdeng ka jingsyrtok hadien ba ka Wah Myntdu kala shlei um smam bad um kala poi shaduh shnong.

Kane ka jingjia shlei um kala jia hadien ka jingwan ther jur u slap bad ka Wah Myntdu ka um kala jan kynjoh iaka jingkieng, bad ki iing briew bad ki skul ruh kila shah tap haka um.

Kane ka jingwan ther jur u slap kala buh jingeh iaki shnong ki thaw bad ban leit trei leit ktah bad ban pynbiang iaka bam ka dih.

Ki lynti syngkieng kila shlei um bad don lai tylli ki wah duid, kiba kynthup iaka Amlati,ka Amsohkyrchoh bad ka Ammara ki buh jingeh iaka iaid ka ieng u paidbah namar ba kim don jingkieng bad ka jingshlei um ka wanrah ka jingsahkut ka leit ka wan la haka shitom shipa ne ban pynpoi iaki mar rep sha ki iew ki hat.

Na ka liang u president ka HYC War Jaintia circle, Yoodahunki Shylla ula kyntu jur ia ka sorkar jylla bad ia u myntri ba dei peit iaka Disaster management Department bad iaka District disaster management authority ba kin ai jingiarap ia kine ki shnong kiba la mad ia kine ki jingeh.