Shongkun ka Behdeiñkhlam ka Seiñraij Ialong

Syllad | The Rising MeghalayaAugust 9, 2020

Ka Behdeiñkhlam jong ka Seiñraij Ialong kala poi noh sha kaba kut mynta ka Sngi u Blei da kaba bud ryntih iaka jingbthah jong ka sorkar ban iada naka khlam COVID-19.

Kane ka Behdeiñkhlam kaba la iashimbynta tang ki nongialam niam ka raij Ialong kila pyndep iaka nguh ka dem bad ka knia ka khriam baroh kumba ju leh, hynrei la pynsangeh tang iaka jingshad paidbah.

Ka Seiñraij Ialong kala sdang iaka niam Behdeiñkhlam naduh 1 tarik u Nailar bad mynta ka sngi kaba dei ka sngi khatduh la pyndep iaka lehniam Tyngkhain Bhang bad ka lehniam Knia Khlam kaba la leh ha Khloo Blai (‘Law Kyntang) kaba la tip kum ka Wah-Bhang.

Shuwa kane kala don ka jingshad da ki nongialam niam bad ki nongialam jong ki kyntoit bad ka seinraij Wahiajer ha tre pyrda bad la wanrah iaki 7 tylli ki rot.

U MLA ka Jowai ma Wailadmiki Shylla, u Ngaitlang Dhar bad u Dolloi ka Elaka Jowai ma Puramon Kynjing kila wan ban sakhi ia kane ka lehniam Behdeiñkhlam nalor ki nongialam ka seinraij Ialong bad Wahiajer.