Shongkun ka jingiaseng ialap ba 19 ka Synjuk Ki Rangbah Jowai Diocese

Syllad | The Rising MeghalayaSeptember 15, 2024

Ka jingiaseng ialap kaba 19 jong ka Synjuk Ki Rangbah Jowai Diocese kaba long ha Namdong Parish kala kut hadpeng ka jingshongkun ha ka Sngi U Blei. La wan iashimbynta da ki spah ngut ki rangbah na kylleng ki parish jong ka jyllaniam Jowai

Kane ka jingiaseng kala sdang haka 14 tarik Nailur hapoh ka jingialam u General Secretary u Ma Francis Lathong bad u President u Ma Henry Manar. La pynher ia ka Lama da u kongsan u Ma Michael Lyngdoh na Ummulong Parish ha ka jingiadonlang u Parish Priest u Fr. Dominic Kympat, u Fr. Simeon Sungoh ha ryngkat ka jingiadonlang ki rangbah na kylleng ki parish.

Hadien ka jingplie iaka prokram ladon ka jingliet jngoh ia ki iing Kristan hapoh ka jingialam jong ki nongialam ka Seng Samla Rangbah jong ki Parish bapher bapher. Da ki spah ngut ki Rangbah ki lawan iashimbynta na ki 18 tylli ki Parish jong ka Jowai diocese.

La pynkut ia katei ka prokram ba 2 sngi da ka Mass Bakhuid ba la pynbynta da u Fr. Simeon Sungoh uba long u Spritual Director ka Seng ryngkat ka jingsynran lang ki katto katne ki Lyngdoh na ki parish ba marjan.

Ha ka por nohsngi, la don ka jingiaseng ialap ha kaba u Ma Telesphore Shangpliang u la long u ialap ia ka Ktien u Blei bad la pynbud da ka jingkyrkhu ba la ai da u Fr. Becare Olando Dkhar, Parish Priest ka Parish Mynsngat. Hadien ka jingkyrkhu la pynhap noh ia ka Lama jong ka Seng da u kongsan Ma Shanbor Shullai bad la pynbna ia ka jingiaseng ialap ba 20 ka ban sa long ha ka Parish Nongbah ha u snem ban wan.