Shongkun ka jingrakhe Independence Day ha West Jaintia Hills
Ki paidbah nongshong shnong ka West Jaintia Hills District ki la wan ban iasnohkti lang bad ka ri baroh kawei ha ka jingrakhe ia ka sngi laitluid – Independence Day kaba 78 jong ka Ri India ia kaba la rakhe ha baroh kawei ka District kynthup hapoh ka headquarter jong ka District ha Jowai, ha Amlarem Civil Sub Division Amlarem bad ha Hima Shangpung.
Ha ka jingrakhe kaba la long ha madan Jrisalein, Jowai u Myntri ka tnad Bording u AT Mondal u la wan ban pynher ia ka lama lai rong jong ka ri bad shim ia ka salute na ki 32 tylli ki kynhun kiba iashim bynta kiba kynthup naduh ki bor pulit ka district, 61 Meghalaya Girls Battalion Government Girls, Meghalaya Bharat Guide (Guide Contingents) nalor ki 29 tylli ki skul ia kaba la lamkhmat da u Commander Inspector Sunday Mannar ha ka jingiaid parade ha ryngkat ka jingsakhi lang jong ki paidbah.
Ha ka jingkren u Myntri u la pynpaw halor ka jingdonkam ia ka jingiatylli bad ka jingkiew jong ka roi ka par lyngba ki sienjam ba la shim da ka sorkar Jylla, bad hadien la ioh ruh ban sam ia ki syrnot bad ki khusnam sha ki nongjop ha ka jingiaid march past ha kaba ka JNV Mukhla Higher Secondary School, Mukhla ka la ioh ban rah ia ka nam ladhuh, katba ka Jowai Public School bad ka Thadlaboh Presbyterian Higher Secondary school ki la wan ha ka kyrdan kaba ar bad ba lai.
Nalor kata la sam ruh ia ki syrnot bad ki mementos sha ki Village Health Council (VHCs) kiba lah ban treikam bha na ka bynta u snem 2023-2024, ha kaba kiba hap hapoh ka Amlarem C &RD Block ka ka VHC Lamin Health Center ka la ioh pdiang ia ka khusnam jingjop kaba hakhmat eh katkum ki kyndon jong ka Chief Ministers Safe motherhood Scheme ’(CM-SMS) na ka bynta 33 tylli ki jingpynkha khun ha ki jaka sumar (100%), ki jingpynkha khun ha iing kim don, kam don shuh ka shongkha khynnah bad ka jingkha khun ha ka rta kaba dang khynnah kata hapoh ka jingkhmih kaba kdup ia ki 1760 ngut ki nongshong shnong.
Ka Laskein Block Chutwakhu Sarhen Village Council na ka bynta 3 tylli ki jingpynkha khun ha ki jaka sumar (100%), Kiba kha khun ha iing kim don shuh, kam don shuh ka jingshongkha khynnah, ka jingkha khun khynnah rta, kata ha ka jingkdup jong ka jingdon briew kaba 113 ngut.
Ka Thadlaskein Block Sahamuswang Village Health Council ka jingpynkha khun ha ki jaka sumar ka long 37 tylli (82%), Ka jingpynkha khun haiing 8 (12%), ka jingshongkha khynnah kam don shuh, ka jingkha khun khynnah 3 (6%) ha ka jingkdup kaba 1831 ngut ki nongshong shnong.
Ka sorkar Jylla ka kala pyntreikam iaki Village Health Council (VHCs) naduh u bnai Rymphang 2022, kum ka nodal community institution ban shim ia ki sienjam ba kongsan halor ka mat kaba iadei bad ka koit ka khiah bad ka bam dih kaba tei kaba long kum ka lynti pyniasoh ba kongsan hapdeng ka tnad ka koit ka khiah jong ka jylla bad ki dkhot jong ka imlang sahlang.”
Ki jaka sumar kiba treikam bha na ka bynta ka World Population fortnight na ka bynta u snem 2024-25. Ka jingbun briew ha ka pyrthei ka thmu ban pynkiew ia ka jingsngewthuh jong ki briew shaphang ki mat bapher bapher jong ka jingbun briew kum ka jingdonkam jong ki rukom pynkhreh ia ka longiing longsem kaba shipor bad kaba neh, ka jingiaryngkat shynrang bad kynthei, ka jingduk, ka hok longkmie bad ka hok longbriew manbriew. Ia ka Best performing health facilities la ai khusnam sha ka Loomkywiang UPHC, Thadlaskein Block Sahsniang PHC, Laskein Block bad Dawki PHC, Amlarem Block na ka bynta ka jinglah jong ki ha kaba pynlong ia ki jingialang ban pynkhreh ia ka iing ka sem, ban sam ia ki dawai iada na ka jingkha khun bad ban pynlong ia ka IEC/ BEE bad ka jingiasyllok kaba paka.
Kiwei pat ki prokram ha kane ka sngi ki kynthup ïa ka jingrwai bad jingshad tynrai bad jingrwai ieit ri ba la iashim bynta da ki khynnah skul bad ki samla jong ki shnong bapher bapher jong ka thain sor Jowai.
Ha Amlarem Civil Sub Division la rakhe ia kane ka sngi laitluid ha madan Mini Stadium jong ka Amlarem Subdivision Sport Association, Ladjaplem ha kaba u Lamphang ka iing dorbar thawain ka jylla Meghalaya u Timothy D Shira u la pynher ia ka lama ri bad u la shim ia ka Rashtriya Salute jong ki 7 tylli ki kynhun ba kynthup ia ka tnad pulit ka Meghalaya bad 8 tylli ki skul.
Ki nongjop ha ka march pass ki kynthup ia ka Mang Hai Ryum Hr. Sec. School kaba la wan ha ka kyrdan kaba nyngkong katba kiba wan ha ka kyrdan kaba ar bad ba lai ki kynthup ia ka Riwar Jaintia Church of God sec. School Ladjaplem bad Ka Syiem Jingsuk Hr. Sec. Schoool.
Kumjuh ha Hima Shangpung, Laskein C&RD Block la rakhe ia kane ka sngi kyrpang ha madan Hula Playground Moosyiem, Shangpung ha kaba ka MLA ka Sutnga Saipung ka Kong Santa Mary Shylla ka la iashim bynta ha ka jingpynher ia la lama jong ka ri.
Ha kane ka jingrakhe ki la don haduh 20 tylli ki kynhun kiba iashim bynta ha ka march past.
Facebook
Instagram
Youtube
Twitter
Leave a Reply