Shongkun ka sngi lumlang ka Seng Kur Suchen ha Bataw, jied iaki nongkitkam bad pynkup burom ia kiba leh bha haka eksam

Syllad | The Rising MeghalayaDecember 16, 2024

Ka Kur Suchen Bataw Unit kala pynlong iaka jingialang kaba nyngkong eh kaba la tip kum ka 1st Sngi Lumlang Seng Kur Suchen Hynñiew Kñi Hynñiew Kpoh jong ki para kur kiba don hapoh ka shnong Bataw East Jaintia Hills District haka 14 tarik Nohprah.

Ha kane ka jingiakynduhlang jong ki para-kur hapoh ka shnong Bataw la ioh ruh ban pynthymmai ia ki nongkitkam kiba thymmai jong ka shnat treikam ka Kur Suchen Bataw Unit.

Ia ka jingialang la pyniaid da U Tbn. Krolin Suchen uba dei ruh u Advisor Ka Kur Suchen Bataw Unit, ha kane ka sngi la wan ruh ban sakhilang ia ka jingbam smai jong ki nongialam ba thymmai jong ka Kur Suchen Bataw Unit da ki nongialam na ka Kur Suchen Sengkmie ha ryngkat ki kyntien sneng kyntien khraw na ki nongialam jong ka Seng Kur Suchen Central Executive Committee kata naduh U President Rangbah u Ma Phermon Suchen, u Vice President u Ma Precious Stone Suchen, u General Secretary u Ma Joyash Suchen, u Advisor u Ma Shining Star Suchen, u Advisor u Ma Roland Suchen bad na ka Kong Bainulin Suchen kawei na ki longkmie kaba trei shitrhem ia ka Kur Suchen hapoh ka shnong Bataw.

La ioh ruh ka jingkren pdiang na u Ma Hosting Pajat bad ka jingkren lyngkot na ki nongialam ba thymmai jong ka Kur Suchen Bataw Unit kata na U General Secretary u Ma Teimonki Palong bad na u  President u Ma Alwin Suchen.

Ha kane ka Sngi Lumlang jong ka Kur Suchen Bataw la ioh ruh ban pynkup burom ia ki samla pule jong ka Kur kiba wan shakhmat ha ki eksamin bapher bapher da ka 1st Kur Suchen Hynñiew Kñi Hynñiew Kpoh Academic Award 2024, kumjuh ka Seng Kur Suchen Bataw Unit ka la pynkup burom ruh ia ki nongialam ka Kur Suchen Sengkmie bad ia ki nongkitkam kiba thymmai jong ka Kur Suchen Bataw Unit ha ryngkat ka jingpynkup burom ia ki nongialam barim jong ka Kur Suchen Bataw Unit kum ka kadak ban pyrto ia ka jingprat lynti jong ki ia ka Kur.

Ki Nongialam bad ki nongkitkam kiba thymmai jong ka Kur Suchen Bataw Unit:

1. Presiden Ma Alwin Suchen.

2. Vice President Ma Nehlang Byrloi.

3. General Secretary Ma Teimonki Palong.

4. Asst General Secretary Ma Tony Byrloi.

5. Treasurer Kong Iookima Byrloi

La jied ruh ia kiwei kiwei ki nongkitkam ha ryngkat ki 25 ngut ki kkhot jong ka Executive Committee nalor ki saw ngut ki Advisor, kata u Advisor Ma Roland Suchen, Advisor Ma Krolin Suchen, Advisor Ma Noren Palong bad u Advisor Ma Streamly Nongjop Suchen (uba la pyntian smai ba pynskhem iaki nongkitkam ba thymmai).