Shongshit ka Chad Sukra ka raij Sabahmuswang

Syllad | The Rising MeghalayaApril 18, 2019

JOWAI: Ka Chad Sukra kadei kawei na ki riti dustur ha ri loom Pnar ba la leh bad pyndep da ki khun ka Niamtre ha ki Raij ki shnong shwa ban pynhiar pynhap ia u symbai u phniang sha hali pynthor.

Kumba long ha kiwei kiwei ki raij, ka shnong Sabahmuswang ruh hapoh ka jingpeit jingpyniaid ka Seinraij Sabahmuswang kila pyndep ïaka tamasa Chad Sukra haka 17 tarik u Iaiong ha madan Chad Sukra.

Ha une u snem ia kane ka Shad Sukra ha shnong Sabahmuswang nalor ki lok ki jor najang bad najngai  lawan ruh ban sakhilang da u ma D.Langstang, EE-PWD, Jowai North kum u kongsan ha ryngkat ka jingiadonlang u Doloi Elaka Shangpung, u President Seinraij Tuber, u ma P.Toi bad kiwei kiwei ki riew rangbah na kiwei ki shnong ki Raij.

Shwa ban sdang ka Shad ladon ka jingialang ha kaba la ioh ia ka ngooh ka dem blei bad ia ki kyntien lamkhmat la ai da u ma Moly Phawa, President Seinraij Sabah katba ki riew rangbah ba la ai jingkren ha ka jingiadei bad kane ka sngi ki long u Doloi ka Elaka Shangpung, u President Seinraij Tuber ma B. Shylla bad u ma P.Toi.

U ma P.Toi haba ai jingkreh u la iaroh ia ki riew rangbah ka shnong Sabahmuswang kiba la shimkhia ha ka ban pynmiat pynjanai ia ka Chad Sukra ha ryngkat ka jinglah ban btin lynti bad pynneh pynsah ia shad tynrai da kaba pyndonkam ia ki tiar put tiar tem tynrai katba u D.Langstang, EE-PWD, Jowai North. U la iaroh ia ka jingstad jong ki mynbarim ha ka ban pynlong ia kum kane ka rukom dustur shwa ban sdang ka rep ka riang, ka thung ka tep sha pynthor, lyngkha bad ruh u da khot bad wer ia ki khun ka shnong Sabah ba nalor ka shad ka kmen ha kum kane ka por ka samoi, to long ruh ki briew kiba don ka mynsiem ia ieit bad ia tylli hapdeng para nongshong shnong.