Shongshit ka Grassroot Centre Football Tournament ba shisngi ha Jowai

Syllad | The Rising MeghalayaApril 20, 2019

JOWAI: Ka 1st Inter Grassroot Centre Football Tournament kaba shi sngi kaba pynlong da ka ophis u District Sports Officer, West Jaiñtia Hills District bad ki Community Coach hapoh ka District kala long kaba shongshit ha Kiang Nangbah Stadium.

Kane ka jingiakhun football ka dei kaba la ïashimbynta na ki khynnah 7-9 snem bad 9-12 snem ka rta na ki Grassroots Centres bapher bapher kaba hap hapoh ka Mission Football. Ka jingpynlong ïa kane ka jingïakhun football ka dei kum shibynta ban plie lad ïaki khynnah kila ïoh jinghikai na ki shlem jong ki ban pynpaw pyrthei ïaki sap ki phong jong ki.

Haba phai sha ka jingïakhun haka rta kaba 7-9 snem na ki kynthei la jop da ka Jowai Grassroot Centre pyrshah ïaka Wahiajer Grassroot Centre da 1-0, katba ka Laskein Grassroot Centre kala jop da ka tie breaker ïaka Wahiajer Centre da 2-1.

Naki shynrang 7-9 snem ka Wahiajer Grassroot Centre kala jop iaka Jowai Grassroot Centre da 1-0 bad haka 9-12 snem ka Amlarem Grassroot Centre kala jop ïaka Laskeiñ Grassroot Centre da ka tie breaker da 4-3.

U Principal North Liberty Higher Secondary School, Jowai Richard B Uriah ula long kum kongsan haka jingïadonlang u ma Rancha Lyngdoh Secretary Laskein Block Area Sports Association (LBASA), u ma Kmen Shylla, Waheh Shnong Wahiajer kiba la aiti ïaki khusnam sha ki kynhun ba jop haka jingiadonlang u DSO Bah Hering Shangpliang bad kiwei kiwei.