Shongshit ka jinglehkmen Christmas ha Jowai
Kumba ju leh man la u snem ki Balang Khristan kila mih ryntih ban lehkmen iaka Christmas da ka jingia shad carol ba la khot pynlong da ki balang bapher bapher haka 25 tarik Nohprah.
Ka sor Jowai, kaba la ioh iaka nam ba ka long kyrpang iaka jingrakhe iaka Christmas bad ka jingpdiang ia u Snem Thymmai kala khring ia kiba bun ban wan sakhi iaka jingshad bad pyndap smam iaka surok ha ki dong ki shnat bad ka Iawmusiang.
Haka shiteng synia ki balang bapher bapher kila pynlong iaka jingiaseng ban pdiang iaka jingwan long briew u khunlung Jisu Khrist. La pynlong iaka jingduwai lang na ka bynta ki ri kiba shem jingeh bad kiba iaumsnam kiba bym ioh ban lehkmen iaka Christmas ban wanphai biang ka jingsuk jingshngain ha ki ri jong ki.
La pynlong ruh iaki jingduwai iaki pang ba shitom ban shem jynjar ki bym ioh shimbynta haka Christmas bad kiwei kiwei.
Haka nohphaisngi hadien ka jingiaseng bad sam iaka khubor iaka jingwan longbriew U Jisu bad iaka khubor jong lehisynei U Blei iaka pyrthei baroh da kaba phah ia u khunlung Jisu ban kit iaki pop jong ngi u khun bynriew.
Ia kane ka Carol la pynlong da Balang Jowai Presbyterian, Balang Thadlaboh Presbyterian, Balang Khimusniang Prebyterian, Balang Katholik, Jowai Parish,CNI bad kiwei kiwei.
Facebook
Instagram
Youtube
Twitter
Leave a Reply