Shongshit ka lehkmen Valentine’s Day ha Tourist Spot Darrang

Syllad | The Rising MeghalayaFebruary 15, 2021

Ka Darrang Musical Arts Tourism and Cultural Club kala ioh ban rakhe ia ka Valentine’s Day ha une u snem da ka jingput jingtem ha rud wah Umngot kaba don ha Darrang.

U bah Reachingson Kongwang, president bad nongseng ia ka club u la ong ba kane kadei ka sien ba nyngkong eh ba ka shnong Darrang kan ioh ban rakhe ia kane ka sngi ba kyrpang jong ka jingieit da kaba pynlong ia kane ka prokram harud wah Umngot.

Ha kane ka sngi, ki la don bun ki jingpyrbyrngia ia ki nongwan sha kane ka prokram kiba ka club ka la pynkhreh kum ki jingsah miet camping, ki bonfires, ki jingshonglieng, ka jingbam bad ruh ki jingrwai na ki kynhun bapher bapher. Ki kynhun nongrwai ba pawnam jong ka Shillong kiba ngi ju tip ka High Fidelity bad u bah Shelly Lamin kila pynshongshit ia ki paidbha da ki sur jingrwai kiba bang jong ki.

Na ka liang kane ka club ka la pynbna sha ki paitbha ba kan pynkhreh mynta sa ia ka Umngot Festival kaba dei ka sports lieng kaba ngi ju tip mynshuwa. Ka jingpynbit pynbiang na ka bynta kane ka festival kaba heh, mynta ka la iaid shait shait bad ia ka por ban pynlong yn sa leh ha kane ka aiom tlang kaban wan.