Shongshit ka shnong Umkiang ba wanpoi u mrad khlaw hapoh shnong

Syllad | The Rising MeghalayaMarch 19, 2022

Ki khynnah, samla bad rangbah jong ka dong Lumtrom, Umkiang, East Jaintia Hills District kila shongshit hadien ba wanpoi uwei u mrad khlaw hapoh shnong jong ki haka miet Palei.

Une u mrad khlaw udei u Slow Loris, uba haka ktien shnong jong ki la tip kum u Khaprang ne u Khalor uba don ka khlieh kaba pyllon bad ka khmat kaba pyllew.

Une u mrad u dei u jingthaw u bam naphang, bad ula duna bha mynta bad udei u mrad bala jan duhjait haka satlak ka pyrthei.

Ia une u mrad la iohkem ia u hadien ba u wanpoi ruma shapoh shnong, hynrei ka khubor kaba sngewtynnad ba naduh ki khynnah haduh ki rangbah ki kwah ban pyllait ia une u mrad uba kim ju iohi koit bad uba phylla ha kiba bun.

Ka Environment Cell ka KSU-East Jaintia Hill Unit lyngba u Secretary Phanuel Tongper haka sngi Thohdieng  kala aiti ia une u Slow Loris sha ka tnad Wildlife Sonapyrdi Range bad la pyllait biang ia u sha khlaw.