Shongshit ka tamasa Jowai Winter Carnival
Ka Jowai Winter Carnival ba la pynlong da ka shnong Panaliar kaba sdang naduh ka 13 tarik bad pynkut haka 14 tarik Nohprah kala long kaba shongshit bad la wan ban sakhi na kylleng ban mad iaki jingialehkai, jingbam bad ka put ka tem.
U Ma Chibor Najiar, Superintending Engineer PHE Rural Circle, Shillong ula long kum u kongsan katba u Prakash Phawa ula long kum symbud kongsan haka jingplie paidbah ia kane ka tamasa.
Haba pynkut ia kane ka tamasa kala don ka jingpynkhalai iaki khalai nusip bad ka housie kaba la kynjoh sha ka 4 lak tam.
Ki number kiba jop iaka Bumper Lucky Draw kaba T.7,00,000/- ki kynthup iaka 1st Prize – 20364; 2nd Prize – 30728; 3rd – 23076 katba ki Consolation Prizes ki long, 15327; 15161; 28414; 22657; 28053.
Kino kino kiba pom ia kine ki nombar kin wan kam hapoh 30 sngi bad ym pdiang ia kiba wan palat iaka 30 sngi.
La pynkhalai ruh iaka Express Lucky Draw da ka Ksiar. Ki nombar ki long 1st 2903; 2nd 1035. Consolations : 1079; 3010; 1128; 3989; 4651.
Ka Shnong Panaliar ka ai khublei kyrpang ia baroh ki paralok najan najngai kiba la wan ban iashimbynta ban pynshongshit ia kane ka tamasa-Jowai Winter Carnival. Ka shnong ka kyrmen ruh ba ha u snem ban wan ruh ki paidbah nongshong shnong ka rilum Jaintia bad kiba nabar kin wan ban snohktilang ha kane ka tamasa.
Facebook
Instagram
Youtube
Twitter
Leave a Reply