Siat tear gas ki pulit Assam ban pynpra ia ki paidbah Pnar hadien ba nangkhluit ka jingialeh bad ki Karbi, shah thang 2 ki iingtrep

Syllad | The Rising MeghalayaSeptember 27, 2023

Ki pulit ka Assam haka sngi Balang ki la hap ban siat da ki tear gas ne lyer pynsat khmat ban pynpra ia ki paidbah Khasi Pnar hadien ba ka jingiapyni bor markylliang bad ki paid Karbi ka la nangkhluit ha ka shnong Lapangap ha ka thain khappud ka Meghalaya Assam, ha West Jaintia Hills. 

Kane ka jingiapyni bor markylliang hapdeng ki paid nongrep Khasi Pnar bad ki Karbi ka la long lyngba ka jingiasiat da ki jri siat sim bad ka jingiather maw, hynrei na ka liang ki Karbi ki la bteng ban pyndonkam da u khnam bad ka ryntieh da ka jingthmu ban pynmynsaw ne wat ban pyniap ia ki.

Na ka liang ki Karbi ki la thang ruh ia ki artylli ki iingtrep ba la long trai da u Bah Thomas Hadem kiba don hapoh ka pynthor.

Hadien katto katne por ki nongrep Khasi Pnar kumjuh ki paid Karbi ruh ki la iapra noh na katei ka jaka hadien kane ka jingsiat tear gas ki pulit ka Assam.

Mih sa ki kynthei Khasi Pnar ba rah jri hadien ba nangkhluit ka jingiakynad bad ki Karbi