Sieh lama ïong ka JSU ha Nongtalang CHC ban dawa 108 Ambulance

Syllad | The Rising MeghalayaJune 5, 2021

Ka Jaintia Students Union – War Jaintia circle haka sngi Thohdieng haka jingialam u President ka War Jaintia Circle u Eddy Kery Pohtam, u General Secretary Kerrydiam Lamin bad u Assistant General Secretary u Dewan Bareh kum ka dak ban pynpaw ka jingpyrshah ia ka jingmynthi ka sorkar ia ka jingdawa ka seng, ka la sieh da ka lama iong ha khmat ka Nongtalang CHC khnang ban pynbor ia ka sorkar ban wanrah biang iaka kali kit nongpang 108 EMRI ha Amlarem Subdivision ban shakri ia u paidbah ban iarap pynpoi ia ki nongpang sha ki hospital ryngkat ka jingdon ki Paramedics ne nongtrei ban pynioh lad jingsumar.

Ka JSU hadien ba la kut ka por shitaiew ba ka aipor ia ka sorkar ban wanrah biang ia ka 108 naduh ba la pynduh ia ka ha u snem 2014. Kane ka jingsieh lama iong ka dei ban pynpaw ia ka jingpyrshah ka JSU kala byrthen ruh ba kan sdang syndon da ki jingiakhih haduh ban ioh syndon ia kane ka Ambulance 108 service hapoh ka thain.

Ïoh kali Ambulance ka Nongtalang CHC

Ka JSU kala buh jingkylli ruh ia ka sorkar bad kynnoh ba kala lehshiliang khmat ia ka War Jaintia. Ka JSU kala ong hato tang ha Shillong bad Garo Hills mo kiba shah ktah haka ka jingpang Coronavirus.

Ka JSU kala kynthoh ruh iaka sorkar MDA namar ba kine ki kali108 ki don sha baroh ki district, katba ha War Jaintia ym shym la buh ia kane ka kali. Ka JSU kala kam ba bun ki mynsiem briew kila duh ei naduh bala sangeh jingai jingshakri ka kali 108 ha katei ka thain, bad kala dawa na ka sorkar ban wanrah biang ia kane ka kali 108 ha ka thain War Jaintia.