Sngewkhia ka JTTA ba sahkut ki ñiut haka iew district council

Syllad | The Rising MeghalayaAugust 9, 2022

Ka Jaintia Tribal Traders’ Association (JTTA) kala pynpaw iaka jingsngewkhia halor ka jingsahkut ki ñiut ha iew District Council ha Iawthymme, Ladthadlaboh, Jowai.

U president JTTA u ma Iatha Najair, ula ong ba ka kum ka seng ki nongkhaii ka sngewkhia shikatdei eh ia ka jingbym kit shuh iaki ñiut kiba la lum thup ha iew thymme, Ladthalaboh Jowai mynta la bun bun bnai.

“Kane ka iew bala pyniaid da ka JHADC, ia ka dan lane ka khajna la siew ki nongshong iew sha ka council man la ka sngi, ka council lyngba ka market department kala kyrpad ia ki nongshong iew ba kim dei ban bret pathar ia ki niut ki nier ha kane ka iew, na ka liang jong ki nongshong iew kila ai ia ka jingiatreilang katba lah bad ka council,” la ong une u nongialam ka JTTA bad ula bynrap “kat ka iew lah hi mo ban khang ia ki nongthied nongpet, nongsiew nongtda bad shisien ba la ong ka iew ki niut ki nier lane ka jhep la tikna ka la mih beit.”

Ka JTTA ka buh ka jingkyrpad ia ka council kumjuh ia ki bor District ba kin shimkhia ia kane ka kam, khnang ban lait na ki jingpang ba har rukom lada kane ka ñiut ka dang sahkut ha kane ka iew.