Sngewkhia ka KSU bym ju pynbna ki karkhana ia ki khubor laitkam

Syllad | The Rising MeghalayaMay 2, 2024

Ka Khasi Students’ Union (KSU) East Jaintia Hills District Unit kala pynpaw iaka jingsngewkhia halor ka jingbym pynmih khubor laitkam ki karkhana dewbilat ha rilum Jaintia.

Ka KSU kala ong ba bunsien kine ki karkhana ki ai iaki jingpynbna ha ki khubor Assam, Bihar bad kane ka paw shai ba kine ki karkhana ki leh bymsuidniew ia ki trai ri trai muluk kiba wad kam.

Halor kane ka KSU kala ujor sha u Deputy Commissioner, East Jaintia Hills haka 1 tarik Jymmang pyrshah ia ki kharkhana pynmih dewbilat ban kyntu ia u ban tuklar halor kane ka bynta khnang ba kiba bun ki samla kiba la pyndep ia ki kyrdan bapher bapher kin ioh ka lad ban aplai kam ha kine ki karkhana

Ka KSU kala pyntip ba shen kan pynlong iaka prokram ‘Job Fair’ ha ka thaiñ East Jaintia da ka  jingiatreilang bad ka bor district ban plie lad iaki samla wad kam wad jam.