Sngewkhia ka SBYWA ïaka jingwan thombor ki runar Bangladesh ha khappud

Syllad | The Rising MeghalayaJanuary 9, 2020

JOWAI: Ka Southern Border Youth Welfare Association (SBYWA), Elaka-Rymbai & Lakdong, East Jaintia Hills District ka la pynpaw ka jingsngewkhia iaka jingwan thombor ki runar na Bangladesh kaba la jia ha Lad Darrang bad Amdoh, kaba hap ha Rongtilla BOP kaba wanrah ïaka jingmynsaw ïaki paidbah ba lui lui.

Halor kane ka jingjia shah thombor ki paidbah ha ki runar na Bangladesh ka SBYWA kala kyrpad ïaki bor jong ka aiñ ban shimkhia ban pynjur ïaka jingpahara ha khappud India-Bangladesh ban tem ïaki kam sniew bad ban shngaiñ ka leit ka wan jong ki paidbah.

Ka SBYWA ka ban jur ïa u SP East Jaiñtia Hills ban shimkhia ban pynbiang ki bor pahara ha ki shnong khappud naduh na Borkhat, Kwator, Hingaria bad kiwei kiwei ki shnong nmar ba ka jingrung jingmih ki nong Bangladesh kiba khaii beaiñ lyngba kitei ki shong ka jyllei bha bad ban pynshitom ïaki katkum ki kyndon jong ka aiñ.