Sngewkhia ka WJSU halor ka jingkhlad aksident u Hudderfield Rymbui

Syllad | The Rising MeghalayaNovember 22, 2024

Ka War Jaintia Student’s Union (WJSU) kala pynpaw ka jingsngewkhia halor ka jingjia kaba la jia haka surok bah National Highway hajan ICAR Umiam haka por ba pynlong iaka tamasa Cherry Blossom Festival ha kaba uwei nongniah thuk thuk u Hudderfield Rymbui naka thain War Jaintia uba sah ha Shillong u la duh noh ia la ka jong ka jingim hadien ba u la shah tynrah kali.

Ha u kyrwoh ba la phah ka WJSU ka pynrem jur ia kane ka jingjia bad dawa ban pyndam iaka VIP Culture ha Jylla. Ka WJSU kala ong ba jingjia ka pynpaw iaka jingmut jingpyrkhat ha kaba iaki riew paidbah la khein ki bym don dor ha khmat kiba don ha ka bor synshar.

Ka WJSU ka kyntu iaka sorkar jylla ban shim ia ka jingkitkhlieh halor kane ka jingjia bad dawa iaka jingtohkit kaba bniah bad ban pynshitom ia kiba donkti

Ka WJSU ka phuh ruh ka jingsngewlem sha kiba ha iing ha sem jing uba ka khlad noh bad kyntu ruh iaka sorkar ban siew bai lutksan sha kiba ha iing ha sem jong uba la khlad noh.