Sngewkhia SWSRJ halor ka jingjia shah shoh ki nongialam shnong Tuber Kmaishnong

Syllad | The Rising MeghalayaJanuary 17, 2024

Ka Synjuk Waheh Shnong Ri Jaintia ha u kyrwoh ba ka phah ka pynpaw ka jingsngewkhia halor ka jingshah shoh ki arngut ki nongialam shnong ka Shnong Tuber Kmaishnong ba kynthup ia u Waheh Shnong bad Secretary IVCS uba long ruh u Chairman ka Shnong Tuber.

Ka Synjuk ka pynrem jur ia u Training Phawa uba shah kynnoh donkti ha kane ka kam da kaba shoh bad dat pynmynsaw da kaba mait da u sdie ia kitei ki arngut ki nongialam shnong.

Wat lada don ka jingdom ruh hynrei ka long pyrshah pat uno uno ban shim iaka ain haka kti bad ban pyrshang ban tur pyrshah da kaba pyndonkam da ki tiar pynma pynmynsaw.

Kumta ka synjuk ka pynrem jur ia kane ka jingleh-riewkhlaw jong u Training bad ka kyrpad iaki bor jong ka ain ba dei peit bad pynneh iaka shongsuk shongsain bad lada jia biang kumne ia ki nongkitkam shnong dei ban pynshitom jur shisyndon ia une u nongleh kam bymman da kaba tyngeh.

Nalorkata ka Synjuk ka kyntu ruh iaki Waheh Shnong bad nongshong shnong ka Rilum Jaintia ban long iaieid markylliang, tylli, ban long kiba sngewthuh jingmut bad ban iatreilang ha kino kino ki kam khnang ban lait naka jingshah iuhroit ha ki briew shisngi bad ha ki mynder ri, la pynkut u kyrwoh na u President Synjuk Waheh shong Ri Jaintia u ma A Lipon.