Sngewlem ka JBCC halor ka jingkhlad u Dr P Syngkon

Syllad | The Rising MeghalayaNovember 20, 2020

Ka Jowai Block Congress Committee (JBCC) ka sngewlem halor ka jingkhlad kyndit u Dr. P Syngkon, uba long u president ka JBCC.

Ka JBCC kala ong baka jingkhlad u Dr. P Syngkon ka dei ka jingduh kaba khraw iaka JBCC bad kam dei tang ia kiba haiing ha sem.

U Dr. Syngkon u dei u dkhot bad nongkyrshan ba radbah ka party congress naduh u snem 1983 haduh la jingkhlad noh ka jong u. U Dr Syngkon, ula bat ruh iaka kam president ka JBCC naduh u snem 2018.

Ka JBCC ka phah iaka khubor sngewlem sha ka kurim, ki khun ki ksiew bad kiba haiing baroh halor kane ka jingkhlad jong u bad ki buh haka jingduwai ba u nongbuh u nongthaw un donlang ryngkat bad ki ban pyntngen iaka iing ka sem jong u Dr. Syngkon ha kum kane ka por.