Sngewlem ka KSU Jaintia Hills halor ka jingkhlad u Bah GH Kharshanlor

Syllad | The Rising MeghalayaNovember 6, 2020

Ka Khasi Students Union (KSU) Jaiñtia Hills District Unit kala phah iaka khubor sngewlem halor ka jingkhlad u Bah GH Kharshanlor, u president jong ka Hynniewtrep National Youth Front (HNYF) central body.

Ka KSU kala pynpaw ba ka jingkhlad jong u Bah GH Kharshanlor ka long ka jingduh kaba khraw ymtang ïa ki ba haïing ba hasem, ka seng HNYF, hynrei ka jingduh kaba khraw ïaka ri bad ka jaidbynriew jong ka Bri u Hynniewtrep Hynniewskum bad ïaka Jylla baroh kawei.

U Bah G H. Kharshanlor ula ïa don bynta lang kum u nongialam ka HNYF bad ka KSU, FKJGP, SSSS ha kaba ïadei bad ki kam khappud jong ka Jylla bad ka ri Bangladesh lyngba ka kynhun kaba la tip kum ka Coordination Committee on International Border (CCIB).

Ka KSU ka la phah ka jingsngewlem sha ka ïing ka sem jong u bad buh haka jingduwai ba U Blei un don ryngkatlang ha kaban pyntngen ïa ki ba haïing ha sem jong u ha kum kane ka por ba u lyoh ba dum ula wan ban tap ïa ka ïing ka sem jong u.