Sngewlem ka MEPA halor ka jingkhlad noh I Kong A.R Lyngdoh, ka trai jong ka kot khubor U Nongsaiñ Hima

Syllad | The Rising MeghalayaMarch 30, 2022

Ka Meghalaya Editors’ and Publishers’ Association (MEPA) ka pynpaw ia ka jingsngew kyndit bad ka jingsngewsih kaba khraw halor ka jingkhlad noh jong i Kong Angelina Riazida Lyngdoh iba ngi ju khot ieit i Kong Ria haka sngi Balang.

I Kong Ria kum i nongpynmih (publisher) ia ka kotkhubor U Nongsaiñ Hima i la noh synniang shibun eh sha ka kam pathai khubor ha ka jylla bad i dei ruh i dkhot iba la rim eh jong ka MEPA. Kumta ka jingkhlad noh jongi ka la long ka jingduh kaba khraw ia ka kam pathai khubor ha Meghalaya bad ruh ia ka MEPA hi baroh kawei.

U General Secretary, MEPA, John W. Thabah ha u kyrwoh ba ula phah ula ong ba na ka liang ka MEPA ka phah ka jingsngewlem sha ka iing i Kong Ria khamtam sha ki khun jongi kiba kynthup ia i Bah Andrew W. Lyngdoh iba dei u Editor jong U Nongsain Hima, i Bah George B. Lyngdoh iba dei u MLA ka Umroi Constituency bad u General Secretary barim ka MEPA bad sha baroh ki bahaiing hasem jong kane ka iing kaba mad ia kane ka jingjia ba sngewsih.

Khlad noh I Kong A.R Lyngdoh Mawphlang

“Ngi duwai ba ka mynsiem jong i Kong Ria kan ioh jahthait sha bymjukut bad ruh ba ki matti jongi kin iai sah pyrto junom,” la ong u kyrwoh ka MEPA.