Sngewlem ka NPP ïaka jingjia shah hiar thma ki shipai ha Pulwama

Syllad | The Rising MeghalayaFebruary 16, 2019

JOWAI: Ka National People’s Party (NPP) kala pynlong ka jingsngap ba jar jar kum ka dak ban pynpaw ka jingsnewlem halor ka jingjia shah pyntbhei bomb ki shipai CRPF haka kynhun lehnoh ha kaba 40 ngut ki shipai kila duh ei iaka mynsiem.

Kane ka jingjia shah pynbthei bomb kala jia haka 14 tarik haka District Pulwama, Jammu and Kashmir bad ka kynhun lehnoh na Pakistan kala kam ba donkti ban leh iaka jingpynbthei bomb ba shyrkhei.

Baroh kawei ka ri kala iam kthang halor kane ka jingjia bad pynpaw ka jingsngewlem. Kumjuh ki seng sain hima sima ruh ba kynthup iaka BJP, Congress bad kiwei kiwei party kila shim iaka rai ban pynrem halor kane ka jingjia bad la shim iaka rai ban ieng tylli ban iakhun iaki kam pyntriem hapoh ka Ri.

Ïa kane ka jingsngap ba jar jar la pynlong haka jinghiar ialap elekshon MDC u Myntri Rangbah ka Jylla u Conrad K Sangma sha East Jaiñtia Hills District haka sngi Saitjaiñ.

La iadonlang u Ma Sniawbhalang Dhar Myntri ka Sorkar Jylla bad ki kyrtong NPP na Sutnga Narwan u Ma Seiborlang Shadap, Sutnga Nongkhlieh u Ma Silbinus Sukhlain, Sumer- u Ma Rolling Son Dkhar, Saipung u Ma Lalminga Ngamlai, Narpuh u Ma Mongol Sing Tyngkra, Bataw Lakadong u Ma Joinriwel Pyrtuh, Rymbai Khliehriat ka Kong Violet Lyngdoh, Musniang Rangad Phasmon Dkhar, Tuber u Kerbhame Dkhar bad kiwei kiwei ki nongialam ka party bad ki nongkyrshan na kylleng ka District.