Sngewlem ka Seng Kynthei Katholik iaka jingiap ka longkmie ha Mihmyntdu

Syllad | The Rising MeghalayaJuly 23, 2020

Ka Seng Kynthei Katholik Parish Jowai kala hiar sha ka longïing jong ka longkmie kaba suba shah pynïap haka Neinshnong Mihmyntdu, West Jaiñtia Hills District kaba la jia haka 13 tarik une u bnai, uba u lok jong ka haduh mynta u dang phet rieh naka bor jong ka aiñ.

Ka Seng Katholik Parish Jowai haka 19 tarik une u bnai kala leit sha katei ka iing ban pynpaw ka jingsngewlem iaka jingiap ka longkmie (L) Nimai Phawa kaba la iehnoh shadien iaki lai ngut ki khun. Ha kane ka jingleit sngewlem ka Seng Kynthei Katholik Parish Jowai kala kner ruh la ka kti jingiarap ia kane ka iing da kaba synniang da ka pisa.

Na ka liang jong ka Seng Kynthei Katholik ka la kitbok kitrwiang ia ki lai ngut ki khunswet ba kin shait kin khlain bad kin ioh ia ka met ka ba koit ba khiah.

Pyniap dusmon u lok iala ka lok, bret iala u khun 7 snem sha wah ha Jowai Bypass

Kumban shu pynkynmaw ba ka jingiap ka (L) Nimai Phawa ym pat lah ban ong la ka ka shah pyniap ne ka bthah jubor iaka jingim jong ka, namar ba wat ki pulit ruh haka jingtohkit kaba nyngkong ki ong ba ka Nimai kala bthah jubor iaka jingim jong ka da kaba sdien ialade ha u tyllai phasi.

Police not ruling out suicide in Mihmyntdu Woman’s Death Case

Kaba phylla pat u lok jong kane ka longkmie u Fortunate Pala naduh ba jia kane ka jingiap kane ka longkmie ula phet rieh na ka bor jong ka aiñ bad ki bor pulit ka District West Jaintia Hills District ki dang thwet ia u.

Ka jingiap kane ka longkmie ka don kaei kaei sha lyndet bad suba jur ba u lok jong ka u Fortunate Pala ula pyrshang ban burieh iaka kam sniew jong u, la suba jur ba ula sdien iaka lok ha u tyllai phasi ha kamra shet ja hadien ba ula pyniap iaka. u la thmu ruh ban pyniap ia u khun baheh jong kane ka longkmie ha wah kham pajih na ka iing jong ki ha Jowai Bypass, hynrei une u khynnah ula lait im bad ioh ban iathuh lut kaei kaba la jia ia u bad iaka kmie jong ha u ha kiba haiing.