Sngewlem ka Sur U Paidbah East Jaintia Hills iaka jingkhlad noh I Bah Kynjaimon Amse

Syllad | The Rising MeghalayaAugust 23, 2024

Ka Sur U Paidbah East Jaintia Hills District ka pynpaw ka jingsngew kyndit bad sngewsih jur halor ka jingkhlad noh jong i (L) Kynjaimon Amse, u nongaibuit jong ka Sur U Paidbah East Jaintia Hills.

Ka Sur U Paidbah East Jaintia Hills ha u kyrwoh bala phah da u Streamly N Suchen Assistant General Secretary, ula pynpaw ruh ba i Bah Kynjaimon u dei u briew uba sngewtynnad ban iatreilang bad u synniang u bynhei ba ula noh sha ka imlang ka sahlang ym lah shuh ban batai.

Kum u Muktiar hapoh ka thain u don ka mynsiem ban iarap iaki para briew. Ki paidbah ha ka thain khappud kin nym lah ban klet ia kaei kaba ula leh na ka bynta jong ki ban pynbor iaka sorkar ban pynpoi iaki surok, nalor kata kaba baroh kawei ka East Jaintia Hills District kan sah kynmaw ia une u samla halor ka jingshlur jong u ban mudui PIL iaka NHAI bad kiwei halor ka jingsniew tasam ka surok naduh na  Lumshnong haduh Ratacherra ban pynioh iaka hok u paidbah ha ka leit ka wan.

Ka jingpyntip na kiba ha iing u (L) Kynjaimon Amse

Kumta kane ka jingkhlad ba kyndit jong I Bah Amse ka la wanrah ka jingsngew thylli haka seng namar ki la duh noh ia u dkhot ba shitrhem bad uba kloi ban iarap lem ha kine ki snem kiba la leit noh.

Ka Seng ka phah ruh ka jingsngewlem sha kiba haiing hasem jong I Bah Kynjaimon Amse bad duwai ba U Blei un ai ia u ka jingjahthait kaba shijunom bad bad un pyntngen ia ka iing ka sem ka jong u.