Sngewnguh ka Dorbar Shnong Kyndongtuber iaka Delimitation Committee JHADC

Syllad | The Rising MeghalayaAugust 12, 2024

Ka Dorbar Shnong Kyndongtuber West Jaintia Hills ka pynpaw ka jingsngewnguh ia ki dkhot ka Delimitation Committee jong ka JHADC kiba la pynneh iaka shnong Kyndongtuber ha kawei ka MDC Constituency.

Lah ban pynkynmaw ba hashuwa ka public hearing kaba long haka 9 tarik Naitung, katkum ka Draft jong ka Delimitation Committee JHADC, iaka shnong Kyndongtuber la pynhap haka Wahiajer Kyndong, ha kaba na kaliang ka bor shnong kala pynpaw iaka jingbym hun iaka jingphiah constituency.

Kane ka jingpyrshah jong ka shnong kala seisoh ha kaba naka kaliang ka Delimitation Committee kala pynbeit biang bad pynhap iaka Kyndongtuber baroh kawei haka 9 Mynso Nongjngi Constituency kaba la pynhun iaka dorbar shnong. Kane ka jing pynbeit thymmai iaki MDC Constituency kala ioh ruh iaka mynjur haka dorbar kyrpang jong ka konsil kaba long haka 7-8 tarik une u bnai.

Ka dorbar shnong Kyndongtuber kala pynpaw: “Wat la ngim lah ban ioh lut ia baroh ki shnong ba marjan, hynrei la kumta ruh ngi pdiang iakane kaba la leh daka Delimitation Committee. Ngi sngewkmen ba ka shnong jong ngi ka la wan biang shitylli baroh kawei ha kajuh ka MDC Constituency bad ngi ai khublei iaka Delimitation Committee halor kane.”