Sngewnguh ka Dorbar Shnong Mynso B ia ki nongiarap iaki lanot aksident kali ha Tuber Shohshrieh

Syllad | The Rising MeghalayaJune 28, 2021

Ka Dorbar shnong Mynso B, lyngba ki Nongkitkam jongka baroh kam lah khlem da pynpaw ia ka Jingsngewnguh kaba khraw ia kito ki paralok baroh kiba ia don bynta ban iarap ia ki lanot naka shnong Mynso, kiba ia kynduh ia ka aksiden kali ha Tuber Sohshrieh ha ka miet Saitjain 26/6/2021. Ha kane ka jingjia haduh 6 ngut ki mynsiem ki laduh ei ia la ka jingim bad bun ngut ki la shitom jur, bad haduh mynta ki dang don hapdeng ka jingshitom jur haki Hospital Jowai bad Shillong.

Ka Dorbar Shnong ka pynpaw ka jingsngewnguh ia ki paidbah ka thain Tuber bad kumjuh ruh ia ki nongleit nongwan ha u surok NH06 kiba la iohi ia kane ka jingjia, bad khlem tyngkai ialade ki la Shah shitom ban iarap ia kito kiba dangim ban leit kit iaki sha ki hospital ban ioh jingsumar

Ka Dorbar shnong ka pynpaw ruh ia ka jingsngewnguh bad ka jingai khublei  ia u MLA ka Khliehriat Constituency U Ma Kyrmen Shylla bad ia ka ïing ka sem jong u ban phah wut wut ia ki Ambulance ban pynkit noh ia kiba shitom jur sha Hospital. Ka jingsngewnguh ka long ruh ia U Ma Coming Ymbon Local MLA uba la kitkhia ban iarap ha kiba bun ki liang. Ka jinglakloi kine ki arngut ki MLA ka la iarap shibun ban ioh pyndep kloi ia ki kam bad ban lah ban pynkhuid ia ka met kaba sah jong kito kiba la khlad, mynhynnin hi ka sngi.

Kynjoh ka jingiap aksident kali 6 ngut shitom jur 2 ngut naki 27 ngut ha Tuber Shoshshrieh

Ka jingsngewnguh ka long ruh iaki Pulit, ia ki Nurse ki Doctor ka Khliehriat Civil Hospital kiba la trei shitom ban pyndep kloi ia ka Postmortem, bad kumjuh ruh ia ki Nurse bad ki Doctor ka Civil Hospital Ialong, bad ka Woodland WK Hospital kiba la sumar ia kito kiba mynsaw baroh.

Ka Dorbar shnong Mynso B, na ka bynta ki 4 tylli ki longiing jong kito ki 6 ngut kiba la khlad, bad na ka bynta kito ki longiing jong kito kiba la mynsaw, ka phah ia ka jingkhublei shakito ki Paidbah baroh kiba ai Jingiarap ha kane ka jingjia ba sngewsih iaka Shnong ka thaw, wat lada ngim lah shuh ban jer ia ki Kyrteng jong ki baroh.

Syllad ka trok iaka kali pick up ha Tuber Shohshrieh iap 5 ngut, mynsaw 9 ngut

Ngi kitbok kitrwiang iaphi baroh ba phin ioh ka met ka bakoit bakhiah kumjuh U Blei un dang kyrkhu iaphi baroh ha ki kam ki jam jong phi.

Khublei Shibun
Na ki nongialam ka Dorbar Shnong Mynso B
Arnes Syntem, Secretary | Haran Dhar, Chairman | RM Khlem, Waheh Shnong