Sngewnguh ka Dorbar Shnong Rymbai ia u MLA & MDC ka thain

Syllad | The Rising MeghalayaMay 14, 2020

Ka Dorbar Shnong Rymbai ka la pynsngew iaka jingsngewnguh kaba khraw ia u MLA ka thain, uba long ruh y Myntri ka Sorkar Jylla, U Ma Kyrmen Shylla bad u MDC u Fineliness Bareh halor ka jingkylluid mynsiem jong ki ban synniang da u khaw sha ki paid nongshong shnong ha kum kane ka por ba ki nongshong shnong ki shem jingeh ha leit ka wan khamtam ban leit bylla na kadaw ka jingkhangdam ka sorkar iaki shnong ki thaw ban iakhun pyrshah iaka khlam COVID-19.

“Ka jingiarap kine ki nongmikhmat ka long ka jingkyrkhu kaba khraw eh khamtam ia kito ki longiing ki bym biang ka ioh ka kot,” ong u Waheh Shnong Rymbai u Justice Lyngdoh.

Ka Dorbar Shnong Rymbai kala sam ia une u khaw haka 7 tarik une u bnai bad ha shuwa ban sam paidbah ia u khaw ka la don ka jingialang ba la pyniaid da u Waheh Shnong u Justice Lyngdoh ha ophis jong ka Dorbar Chnong Rymbai uba la kyrpad iaki khun ka shnong ban pdiang iaki jingai da ka jingkmen.

U Pastor SB Lyngdoh ula ong, ki nongmihkhmat haka bor kaba rit ka jong ki, ki la leh ia ka kam kaba khraw bad kaba bha tam iaki paidbah nongshong shnong kumta na ka liang ka Dorbar Shnong ka la kitbok kitrwiang iaki ban ioh ka met kaba koit ba khiah khnang ba kin lah ban shakri khambha ia u paidbah ka thain bad ka Jylla baroh kawei.