Sngewnguh ka JHADC Staff Association ia u CM Conrad bad iaka EC u ma Thombor ba pyllait iaka tulop ki nongtrei ka konsil

Syllad | The Rising MeghalayaFebruary 6, 2025

Ki nongtrei jong ka Jaintia Hills Autonomous District Council (JHADC) hapoh ka lama JHADC-Staff Association, kala aikhublei kyrpang iaka sorkar Jylla kaba ialam da u Conrad K Sangma Myntri rangbah ka Jylla halor ka jingpyllait iaka pisa kaba 40 klur tyngka shaka JHADC haka 21 tarik Kyllalyngkot.

Ha u kyrwoh ba la phah da u President bad Secretary JHADC-SA, kila ong “Ngi dap da ka jingsngewnguh kaba khraw ban ioh pdiang ia kane ka pisa kaba 40 klur ha kaba ka konsil kala lah ban siew iaka tulop jong ki nongtrei haduh u bnai Nailar (August) 2024 bad ka jingioh lum ia kane ka pisa ka wan tang hadien 3 ne 4 sngi ba la pynbna da u Myntri rangbah hapoh ka ophis treikam u CEM JHADC”.

Kila pynshai ruh ba ka pisa kaba iohlum baroh hapoh u bnai Kyllalyngkot 2025 ka long 57.84 klur kynthup 40 klur ba la pyllait da u Chief minister bad 8.33 klur bad 9.51 klur kadei ka Royalty bad lyngba kane ka 57.84 klur ka konsil kala ioh ban siew iaka tulop jong ki nongtrei haduh u bnai Nailar 2024.

Shuh shuh ki nongtrei ka JHADC kim lah khlem da pynpaw ka jingsngewnguh bad ai khublei ia u Symbud Myntri Rangbah ka Jylla Ma Sniawbhalang Dhar, MLA ka Jowai Ma Wailadmiki Shylla khamtam ka Executive Committee jong ka JHADC hapoh ka jingialam u Ma Thombor Shiwat kiba la iatreilang ryngkat ryngkat bad ki Staff ka konsil haka ban iakit iabah lem iaki jingeh ka konsil.

Ha kajuh ka por kila kyrpad ruh iaka sorkar ba nangne shakhmat ban pyllait biang iaka pisa, khnang ba ki Staff kin ym sakma kumba la jia haki snem kiba la leit.