Sngewnguh ka kur Suchiang ia u rangbah ba ai sngewbha jaka sha ka kur

Syllad | The Rising MeghalayaOctober 18, 2020

Ka Seinkur Suchiang (Central Body) ka pynpaw ia ka jingnsgewnguh ia u Ma Kalbod Suchiang u ba la ai sngewbha ia ka jaka kaba heh 5000 sq.phut sha ka Seinkur Suchiang Central Body kaba don ha Phramer, Elaka Shangpung.

Kum ka dak ban pynpaw ka jingsngewnguh ia une u rangbah na ka liang jong ka Seinkur Suchiang Central Body kala pynlong iaka jingialang pynkup burom ia u ma Kalbod Suchiang ha ka 17th Oct.2020 ha Clearwater U.P School Shangpung.

Ha kane ka jingpynkup burom ia u Kalbod Suchiang la pyniaid iaka jingialang da u President jong ka Seinkur Suchiang Central Body, Carmel Suchiang.

Kiba la ai jingkren ki kynthup ia u Parajan Suchiang, J.Treilang Suchiang Local MDC 16 Shangpung, Dr Running L.Suchiang, Smt Ruby Suchiang bad kiwei kiwei ki heh kur.

Baroh ki nongkren kila pynpaw iaka jing sngewnguh kaba khraw iaka jing kylluid mynsiem jong u Ma Kalbod Suchiang, kaba la plie lad plie lynti iaka Sein kur ba kan ioh la ka jong ka jaka na ki bynta ki jingdon kam bapher bapher jong ka Seinkur Suchiang Central Body.