Sngewnguh ka NPP Jowai ba pyllait MLA skhim sha ki 800 ngut lanot shah pynjulor mariang

Syllad | The Rising MeghalayaJuly 12, 2021

Ka National People’s Party (NPP) Jowai Block kala pynpaw iaka jingsngewnguh ia u MLA Jowai ma Wailadmiki Shylla halor ka jingpyllait jong u iaka MLA skim 2020, ka Special Rural Works Programme (SRWP) sha ki lanot shah pynjulor mariang.

U president NPP Jowai Block, u Darilang Lamare ula ong ba naka liang ka NPP Jowai Block kala pynpaw ka jingsngewnguh kaba khraw ia u MLA ba ula pyllait iaka MLA kaba mar T.5000 sha ki 800 ngut ki lanot shah pynjulor mariang.

U Ma Lamare ula ai khublei ruh ia u MLA uba la pyllait lai tylli ki ambulance lyngba kane ka juh ka skhim kaba long ka jingmyntoi kaba khraw iaka shnong Jowai bad ki shnong ba marjan.

Ka NPP Jowai ka kitbok kitrwiang ia u MLA ba un ioh ka met kaba koit kaba khiah bad ba un nang wanrah shuh shuh iaki kam pynroi haka thain Jowai baroh kawei.