Sngewnguh ka shnong Kwator iaka jingiarap mar bam ka SBYWA

Syllad | The Rising MeghalayaMay 20, 2020

U Ebran Suchen, Waheh Shnong ka jong ka Dorbar Shnong Kwator kaba hap hapoh ka Elaka Lakadong, East Jaintia Hills District ula pynpaw ka jingsngewnguh iaka seng Southern Border Youth Welfare Association (SBYWA) kaba la kloi ban ai jingiarap da u khaw, u dai bad ka umphniang sha ki longiing baduk ha kum kane ka por ba pynjari iaka lockdown ban iakhun pyrshah ia khlam jingpang COVID-19.

U Waheh shnong ula pynpaw ka jingsngewnguh iaka SBYWA bad ula ai ruh ka jingkyrkhu kyrdoh iaki nongialam bad baroh ki dkhot ba kin ioh ka met kaba koit ba khiah khnang ba kin nanglah ban ai ka jingshakri kaba bha tam iaki longiing baduk bad ruh ka imlang sahlang hapoh ak Elaka bad sha kiwei ki shnong.

U ma Ebran ula ong ba ha kane ka lockdown bun ki longiing kila shah ktah haka ioh ka kot namar ba kim ioh ka lad ban leit bylla bad katba ki don ei ruh kila hap ban kunai bad ha kine ki ar bnai kila hap ban im shitom ban pyndap pynbiang iaka jingdonkam ha iing ha sem, hynrei ka jinglong la kloi kane ka seng kala iarap iaki ban ioh ki mar bam.