Sngewnguh ka synjuk trai kali ba shimkhia u MLA Mowkaiaw ban shna iaka jingkieng Myntang

Syllad | The Rising MeghalayaJuly 26, 2020

Ka Barato Pyllun Truck Four-wheel Shaktiman Pickup Owner Association (BPTFSPOA) kala pynpaw iaka jingsngewnguh ia u MLA Mowkaiaw ma Nujorki Sungoh bad ka ophis u Executive Engineer PWD North Division Jowai ban shna iaka jingkieng Rymphum kaba don ha wah Myntang hajan ka shnong Laskein.

Ka ophis u Executive Engineer PWD(Roads) ula pynbna paidbah bala khang ia kane ka jingkieng kaba pyniasoh iaka shnong Laskein  Barato naduh Nailar 3 tarik haduh Naiwieng 30 ba kin shna bad maramot iaka jingkieng kaba la julor.

Kane ka synjuk kala ai khublei ia u MLA jong ki ma Nujorki Sungoh, SE PWD, EE PWD North ka SDO PWD kiba la wan jurip bad shim jingkhein ban sdang shna ia kane ka jingkieng kaba pyniasoh ia bun tylli ki shnong ha ka thain Mowkaiaw.

Kane ka jingkieng kadei kaba iaid bha ki kali ki motor naduh ki trok shaktiman, pickup bad ki kali kamai naduh na Barato, Mukroh, Saba, Maitdein, Iongkynshur, Iongkwang, Thangrain ban leit donkam sha Block ophis ka Laskein, ban shimd dawi ha Laskein CHC bad kiwei kiwei ki kam bad shaduh sha Jowai.

“Ngi kyrpad iaka tnad PWD ban pyndep ia kane ka jingkieng haka por kaba biang khnang ban myntoi u paidbah bad ban lait shah ktah haka bai leit ka wan bala jngai lynti ban leit na Nartiang,” ong u President BPTFSPOA Ma A Sungoh bad u General Secretary BPTFSPOA Ma  C Timung.