Sngewnguh ki 7 shnong na ka thain Namdong iaka Ramakrishna Mission

Syllad | The Rising MeghalayaJune 19, 2021

Ka Dorbar Shnong Namdong- B, Mukhnang, Madanrtiang, Thadmukoh, Kremmyrsiang, Ladmyngngor bad Sanaro iaka Ramakrishna Sohra kaba lyngba ka Relief Camp jong ka kala wan sam khaw sha ki longiing ba duk.

Ka Ramakrishna Mission kala sam da u khaw 25kg bad u dai 5kg manla kawei ka longiing kaba la kot haduh 200 tylli ki longïing ka thain Namdong kiba kynthup ia ka Shnong Namdong – B, Madanrtiang, Mukhnang , Thadmukoh, Kremmyrsiang, Ladmyngngor bad Sanaro haka 18 Jylliew 21.

Ki nongialam shnong (Waheh Shnong) bad ki  paidbah ki dap da ka jingsngewkmen bad sngewnguh ban ioh pdiang Ia kane ka jingiarap jong ka Ramakrishna Mission Sohra ha kum kane ka por ba ki mad ia ka jingeh ha ka jingim briew manla ka sngi namar ba kim ioh shuh ia ka kamai kajih ka ba biang.

Kine ki shnong kila ai khublei kyrpang ia u Maharaj, Ma Manbha Lyngdoh bad ia kiwei kiba ia donlang ha kane ka sngi na ka bynta ka jingleh isynnei jong ki iaki nongshong shnong ha ka hain Namdong.

Kane ka long katkum ka khubor kaba la phah da u D S War Waheh Shnong Namdong – B.