Sngewnguh u Treiborlang R Suchen iaki nongkyrshan ba ieid na 3-War West MDC Constituency

Syllad | The Rising MeghalayaFebruary 26, 2025

Nga pynpaw iaka jingsngewnguh sha baroh ki nongkyrshan baiei kiba la don lang bad nga naduh ki por ba nga dang sdang ban iaid lynti sha ka elekshon MDC sha JHADC haduh ban da kut. Nga ai nguh ia U Blei U ba la ker bad da ia nga ha kine ki bnai ba lah dep katba nga dang iaid lynti haka por ialap elekshon.

Nga dap daka jingkmen ba phi ki paralok nongkyrshan phi la ai ka jingshaniah bad ka jingieid ia nga bad nga la jan poi shisha ka thong, hynrei wat lada ngam poi sha ka thong, hynrei nga kyrmen pat ba ngin nang skhem ka nongrim kum ka kynhun bad nga kyrpad iaphi ki paidbah ba ieid ki jong nga ba phin nang ai ka jingkyrshan ka jong phi ianga ha ki sngi ki ia ban wan.

Kane ka elekshon ia nga kam dei kum u kyrtong shimet, hynrei ka jingai bor met bad mynsiem jong phi u paidbah nongkyrshan, nga la ioh bor bha haduh ngi la jan poi sha ka thong.

Nga kitbok kitrwiang iaphi ki paidbah nongkyrshan bad kiba khlem kyrshan ba phin ioh ka met kaba koit kaba khiah, ka roi ka par kaba biang bad kamai ka jih kaba bha iaphi lang baroh.