Sngewsih ka synjuk waheh chnong Jowai ba don ki bym kmen iaka jingitynnad ka jingpynkhreh Meghalaya Games

Syllad | The Rising MeghalayaJanuary 18, 2025

U General Secretary, Synjuk Waheh Chnong Jowai u ma Riquoma Rq. Laloo ula pynpaw iaka jingsngewsih kaba khraw ba ha kum kane ka por ba ka Jowai ka dang pynkhreh ban pdiang iaka Meghalaya Games kaba 6, pynban ki don ki briew kiba bym kmen iaka jingtynnad khamtam ha kaba iadei bad ka jingpynkhreh pynkhrum ban pdiang iaka Meghalaya Games.

Ka Synjuk kala pynpaw ba kala sakhi ba ki don ki briew ne ki runar kiba la pynjakhlia bad pynjot pynpra iaki dur ki dar ba iadei bad ka Meghalaya Games bala wah bad pynieng ha ki surok bad ki lynti syngkieng.

Ia ka Meghalaya Games la sdang naduh 15 tarik K’Lyngkot bad ka jingplie paidbah kan long haka 21 tarik K’lyngkot, kumta ka synjuk kala kyrpad rit ia baroh ban pynneh iaki Dur ki Dar, ki Poster, ki Flex kiba wah bad pynieng kiba kdew ia ki jaka ialekai bad kiwei kiwei.

Ka Synjuk ka khot snoktilang ia baroh sha ka Meghalaya Games ban neh ka nam ka burom ka Jowai da kaba pyni iaka jinglong ka akor kaba bha ban don iaka mynsiem pdiang ia ki nongialehkai bad ki nongwan peitkai.

Ka Synjuk ka ong baroh ki khun ka rilum Jaintia ki dei ban don iaka jingkitkhlieh ban pynlong ia kane ka lympung bah ka jylla kaba neh khana ha ki sngi ki ia ban wan.