Sngewskhem u heh ka AICC ban jop iaka Shillong bad Tura haka MP Election

Syllad | The Rising MeghalayaJanuary 10, 2024

U Heh ka AICC ba dei khmih iaka jylla Meghalaya bad u MP na Tamil Nadu Dr A Chellakumar haka 9 tarik Kyllalyngkot ula pynpaw iaka jingsngewskhem ba ka Congress kan jop ha baroh ar tylli ki seat na Shillong bad Tura parliamentary seats ha kane ka election MP Lok Sabha ka ban wan.

Haba kren bad ki nongthoh khubor ka Jylla haka jingwan ha nongbah Shillong, ula ong ba ka ka party congress ka khlain bad kane ka jinglong jingman jong ka party kan lah ban khring ia ki nongshong shnong 100 na ka 100 ban jop ha baroh ar tylli ki seat.

Ula iaroh ia u nongialam ka MPCC u Bah Vincent H Pala namar bun kiei kiei na ka bynta ka Jylla Meghalaya.

Ula ong ba mynshuwa na Tura sha Shillong, ki paidbah ki hap ban iaid na Guwahati ban wanphai rwiang biang sha Shillong, hynrei mynta ka jingsynniang u Bah Pala bad ka ryngkat sorkar Congress ka jylla ka ioh iaka surok bah kaba paka.

Une u heh ka AICC ula kam ba dei ka Congress party kaba seng iaka North Eastern Hill University (NEHU). Bad kala wanrah ruh iaka IIM, NIT, NIFT bad kiwei kiwei.

Ula ong ruh ba ki paidbah ki jied iaka Congress, hynrei kine ki juh ki briew kiba shah jied ki shet kylla iaka party kumjuh ia u paidbah.

U Chellakumar ula ong ba kin pynkhlain bad pynmthymmai ia baroh ki rukom treikam ka party bad kin pyrshang ban pynkhlain naduh na tynrai.